Azərbaycan Nəqliyyat və Kommunikasiya Holdinqinin (AZCON) icraçı direktoru Şahin Babayev Macarıstanın Azərbaycandakı səfiri Tomaş Torma ilə görüşüb.
Bu barədə Avtosfer.az-a AZCON-a istinadən məlumat verir.
Məlumata görə, görüşdə Macarıstanla Azərbaycan arasında nəqliyyat və kommunikasiya sahələrində qarşılıqlı əlaqələrə dair fikir mübadiləsi aparılıb.
Eyni zamanda rəqəmsal transformasiya, süni intellekt, nəqliyyat və kosmosla bağlı əməkdaşlığın inkişafı məsələləri müzakirə edilib.
