Qərb ölkələri Ukrayna böhranının həlli üçün ən azı üç “müdafiə xətti”nin formalaşdırılması variantlarını, o cümlədən neytral sülhməramlı qüvvələrin nəzarətində olan demilitarizasiya zonasının yaradılması variantlarını araşdırır.
Publika.az xəbər verir ki, bu barədə “Financial Times” məlumat yayıb.
Anonim mənbələrə istinadən bildirilir ki, təklif olunan plana uyğun olaraq, Ukrayna sərhədlərini NATO ölkələrindən təlim keçmiş və silahlarla təchiz edilmiş Ukrayna qoşunları qoruyacaq. Bundan əlavə, Ukrayna ərazisinə “üçüncü müdafiə xətti” rolunu oynayan Avropa “çəkindirici qüvvələr” yerləşdiriləcək.
Rusiya Xarici İşlər Nazirliyi NATO-ya üzv ölkələrin hərbçilərinin Ukrayna ərazisində hər hansı mövcudluğunun Rusiya üçün qəbuledilməz olduğunu və gərginliyin ciddi şəkildə artmasına səbəb ola biləcəyini vurğulayıb.
