AFFA-nın prezidenti Rövşən Nəcəf “Qarabağ”ı UEFA Çempionlar Liqasının Liqa mərhələsinə vəsiqə qazanması münasibətilə təbrik edib.
Arena.az xəbər verir ki, Rövşən Nəcəf tarixi uğurla bağlı paylaşımında bunları qeyd edib:
“Qarabağ” futbol klubunu tarixində ikinci dəfə UEFA Çempionlar Liqasının əsas mərhələsində iştirak haqqı qazanması münasibətilə ürəkdən təbrik edir, yeni qələbələr diləyirəm.
Uğurlar “Qarabağ”!
Xatırladaq ki, Ağdam klubu UEFA Çempionlar Liqasının pley-off mərhələsi çərçivəsində səfərdə 3:1 hesabıyla qalib gəldiyi Macarıstan çempionu “Ferentsvaroş”a Bakıda 2:3 hesabıyla uduzsa da, ümumi nəticədə (5:4) üstün olduğu üçün qitənin ən nüfuzlu klub turnirinin Liqa mərhələsinə vəsiqə qazanıb.
