Avropada avtomobil satışları iyul ayında da artım göstərib. Çinin avtomobil istehsalçısı BYD, ABŞ-ın elektrikli avtomobil markası Tesla-nı pazar payı üzrə geridə qoyub.
Marja xəbər verir ki, İyul ayında BYD-nin pazar payı 1,2%-ə yüksəlib, Tesla-nın pazar payı 0,8%-ə geriləyib.
Avropada avtomobil satışları iyul ayında 5,9% artarkən, BYD-nin pazar payındakı yüksəliş diqqət çəkib. Almaniyada satışlarda artım qeydə alınsa da, İngiltərə, Fransa və İtaliyada azalma müşahidə olunub.
Avropa Avtomobil İstehsalçıları Birliyinin (ACEA) məlumatına görə, Avropa Birliyi, Avropa Azad Ticarət Birliyi (EFTA) və İngiltərədə yeni avtomobil satışları iyulda 1,09 milyon ədədə çatıb.
Elektrikli avtomobillərin satışları artarkən, satışları 40,2% azalan Tesla ardıcıl yeddinci ayda da pazar payını itirib. Şirkətin Çindən olan rəqibi BYD, ABŞ-ın avtomobil istehsalçısını geridə qoyub.
İlk dəfə aylıq satış hesabatına daxil edilən BYD-nin satışları 225,3% artıb və şirkətin bazar payı iyulda 1,2% təşkil edib. Tesla-nın pazar payı isə keçən ilki 1,4%-dən 0,8%-ə düşüb.
Volkswagen-in satışları keçən ilə nisbətən 11,6%, Renault-nun satışları 8,8% artarkən, Stellantis-in satışları 1,1% azalıb.
AB-də Elektrikli Avtomobil Satışlarında Artım Trendi
Yalnız Avropa Birliyində ümumi avtomobil satışları 7,4% artıb. Tam elektrikli avtomobil satışları 39,1%, hibrid satışları (HEV) 56,9%, şarj edilə bilən hibrid (PHEV) satışları isə 14,3% yüksəlib.
ACEA-nın məlumatına görə, hibrid və elektrikli avtomobillər iyun ayında Avropadakı minik avtomobil satışlarının 59,8%-ni təşkil edib, bu göstərici keçən ilin eyni dövründə 51,1% olub.
Volkswagen kimi Avropalı avtomobil istehsalçıları Çinli şirkətlərlə rəqabət apararkən, Avropada elektrikli avtomobillərin satışını təşviq edən qaydalara uyğun fəaliyyət göstərərək yeni gəlir imkanları yaratmaq üçün çalışırlar.
