Qəsdən adam öldürməkdə şübhəli bilinən şəxsin barəsində cinayət işi açılıb. Avtosfer.az xəbər verir ki, bu barədə Abşeron rayon prokurorluğundan məlumat verilib. Bildirilib ki, faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. V.Abuzərov iş üzrə şübhəli şəxs qismində tutulub. İbtidai istintaq davam etdirilir.
***
Abşeronda qətl törədilib. Məlumata görə, hadisə bu gün günorta saatlarında Saray qəsəbəsində qeydə alınıb. Belə ki, qəsəbə sakini, 1972-ci il təvəllüdlü Vüqar Abuzərov münaqişə zəminində həmyerlisi, 1971-ci il təvəllüdlü Adil İmambaxışova bıçaq xəsarətləri yetirib. O, aldığı xəsarətlərdən ölüb. Polis əməkdaşları Vüqar Abuzərovu saxlayaraq istintaqa təhvil verib. Faktla bağlı Abşeron Rayon Prokurorluğunda araşdırma aparılır.
