Belarus Prezidenti Aleksandr Lukaşenko kartofçuluğun inkişafı ilə bağlı keçirilən müşavirədə çox kartof yemədiyini etiraf edib.
Publika.az xəbər verir ki, bu barədə video “Пул Первого” adlı "Telegram" kanalında yayımlanıb.
“Mən sizə demişdim ki, az kartof istifadə edirəm. Amma buna baxmayaraq, akademiklər mənə bəzən yeni sortlar təqdim edirlər, mən də onların necə yetişdiyinə baxıram”, – deyə Lukaşenko bildirib və qeyd edib ki, söhbət yerli seleksiya kartoflarından gedir.
Belarus liderinin sözlərinə görə, sovet dövründə respublika kartof yetişdirilməsində Rusiya və Ukraynadan sonra üçüncü yeri tuturdu. Prezident bunu Belarusda əkin üçün daha az hektar torpaq sahəsinin olmasına bağlayıb.
