ABŞ Dövlət katibi Marko Rubio və Türkiyənin xarici işlər naziri Hakan Fidan arasında telefon danışığı olub.
News24.az xəbər verir ki, bu barədə Dövlət Departamentinin mətbuat xidmətinin rəhbər müavini Tommi Piqottun bəyanatında deyilir.
Danışıqlar zamanı tərəflər Ukraynada münaqişənin həlli üçün diplomatik səylərin davam etdirilməsinin vacibliyini vurğulayıblar.
Onun sözlərinə görə, Rubio və Fidan həmçinin ABŞ və Türkiyə arasında ikitərəfli münasibətlərin gücləndirilməsini və NATO çərçivəsidə ölkələr arasında qarşılıqlı əlaqələri müzakirə ediblər.
"Onlar həmçinin Yaxın Şərqdə sülh və sabitliyə dəstəklərinin dəyişməz olduğunu ifadə ediblər", - Piqott bildirib.
