BAKI, 29 avqust. TELEQRAF
Avropa ölkələrinin liderləri sülh nizamlanması çərçivəsində Ukrayna ərazisində 40 kilometrlik bufer zonasının yaradılması imkanını müzakirə edirlər.
Teleqraf xəbər verir ki, bu barədə “Politico” qəzeti yazıb.
Beş diplomata istinad edən nəşr iddia edir ki, Avropa ölkələri Ukrayna münaqişəsinin həllini Rusiyaya faydalı təşəbbüslər hesabına təmin etməyə cəhd göstərirlər. Materiala görə, bufer zonasının yaradılması variantı atəşkəs və ya münaqişənin uzunmüddətli həlli halında avropalılar tərəfindən öyrənilən təkliflərdən biridir.
"Avropa rəsmilərinin kövrək sülhü təmin etmək üçün Ukrayna ərazisinin bir hissəsini kəsməyi nəzərdən keçirməsi faktı, NATO üzrə müttəfiqlərin müharibəni bitirmək yollarının axtarışı prosesində ümidsizliyindən xəbər verir", - “Politico” yazır.
Qəzetin yazır ki, ABŞ-nin bu müzakirələrdə iştirak etmədiyi təəssüratı yaranır.
"Onlar saman çöpündən yapışırlar. Rusiyalılar avropalılardan qorxmurlar", - ABŞ müdafiə nazirinin köməkçisinin keçmiş müavini Ceyms Taunsend avropalıların ideyalarını şərh edərkən qəzetə bildirib. Onun fikrincə, əgər Moskva irəliləməyi zəruri hesab etsə, adı çəkilən bufer zonasında yerləşdiriləcəyi təqdirdə, nə Britaniya, nə də Fransa qoşunları Rusiya Silahlı Qüvvələrinin qarşısını ala bilməz.
Məqalədə qeyd olunur ki, avropalılar bufer zonasına 4 mindən təxminən 60 minə qədər əsgər göndərilməsi variantını müzakirə edirlər.
Bundan əlavə, nəşrdə iddia edir ki, Avropa bufer zonasının yaradılması və ya atəşkəsin təmin edilməsi üçün kontingentin əsas hissəsini Kiyevin təmin edəcəyini gözləyir.
