Moskvada (Rusiya) Mayakovskaya adına Satira Teatrının keçmiş direktoru Məmmədəli Ağayev saxlanılıb.
Rusiya Daxili İşlər Nazirliyinin rəsmi nümayəndəsi İrina Volk öz teleqram kanalında yazıb ki, Ağayev nazirliyin Moskva şəhəri üzrəKorrupsiyaya Qarşı Mübarizə Baş İdarəsi və Federal Təhlükəsizlik Xidmətinin Moskva şəhəri və Moskva vilayəti üzrə İdarəsinin əməkdaşları təeəfindənsaxlanıb. Onun sözlərinə görə, ən böyük teatrlardan birinin keçmiş direktoru dələduzluqda şübhəli bilinir.
Bildirilir ki, Ağayev Rusiya Daxili İşlər Nazirliyinin Moskva şəhəri üzrə Baş İdarəsinin Mərkəzi İnzibati Dairəsinə aparılıb. Onun özünün və yaxın qohumlarının hesabları dondurulub.
Rusiya mediasıyazır ki, mədəniyyət xadimi xüsusilə külli miqdarda dələduzluqda şübhəli bilinir. Müstəntiqlərin fikrincə, Ağayev Moskva büdcəsinin vəsaitlərini mənimsəmək üçün sxem təşkil edib. Fərdi sahibkarları qeydiyyata alıb, teatrla saxta müqavilələr bağlayıb.
Onun barəsində həbs-qətimkan tədbirinin seçilməsi üçün yaxın vaxtlarda məhkəmə qarşısına çıxarılacaq.
Xatırladaq ki, Məmmədəli Ağayev 1992-2021-ci illərdə Moskva Akademik Satira Teatrına rəhbərlik edib. 2021-ci ildə öz xahişi ilə bu vəzifəni tərk edib.
Onun mədəniyyət və incəsənət sahəsində bir neçə mükafatı və titulları var.
Məmmədəli Ağayev Rusiya Federasiyasının əməkdar mədəniyyət işçisi (1995), Rusiya Federasiyasının Əməkdar artistidir (2018). 2020-ci ilin mart ayında Rusiya Prezidentinin Fəxri Fərmanı ilə təltif edilib.
ZÜMRÜD
