BMT TŞ qərarları ilə tətbiq olunmuş məhdudiyyətlər bərpa oluna bilər...
Poliqon Reuters Agentliyinə istinadən xəbər verir ki, “Snapback” mexanizminin işə salınmasından sonra İran ətrafındakı vəziyyət yenidən gərginləşib. Ölkə 2006–2010-cu illərdə BMT Təhlükəsizlik Şurasının altı qətnaməsi ilə tətbiq olunan sərt sanksiyaların bərpası ilə üzləşə bilər.
Sanksiyalar silah embarqosu, uranın zənginləşdirilməsi və emalı qadağaları, ballistik raket və texnologiyalara məhdudiyyətlər, habelə bəzi fiziki və hüquqi şəxslərin aktivlərinin dondurulması və beynəlxalq səfərlərinin qadağan edilməsini əhatə edir. Bundan əlavə, ölkələr İran hava və dəniz nəqliyyatında qadağan olunmuş malların yoxlanması hüququna malik olacaqlar.
Bununla belə, Fransa, Böyük Britaniya və Almaniya mexanizmin müddətini məhdudlaşdırılmış şəkildə uzatmağı təklif edərək əlavə vaxt qazanmaq və yeni razılaşma əldə etməyə çalışmaq niyyətindədir. Əgər İran buna razılaşsa, BMT Təhlükəsizlik Şurası yeni qətnamə qəbul etməlidir.
Eyni zamanda, Moskva və Pekin Təhlükəsizlik Şurasına nüvə sazişini 2026-cı ilin aprelinə qədər uzadan, lakin “avropa üçlüyünün” sanksiyaların bərpasını bloklaya biləcək müddəaları ehtiva edən qətnamə layihəsini təqdim ediblər.
Poliqon.info
