Çin Amerika ilə danışmaq istəmir

AzVision.az xəbər verir ki, mənbələrə istinad edən“Nikkei Asia” nəşrinin məlumatına görə, münasibətləri yaxşılaşdırmaq üçün heç bir aydın yol görməyən Pekin ABŞ-nin Müdafiə naziri Pit Heqsetin son çıxışının aqressiv xarakterliolduğunu vurğulayıb.

“Xüsusilə, bu, Pentaqon rəhbərinin “Çinin yaratdığı təhlükə realdır və təhdid qaçılmaz ola bilər” ifadəsinə aiddir. Amerika tərəfi isə Heqsetin çıxışında Vaşinqtonun münaqişəyə girmək istəməməsini vurğulayan hissəni daha vacib sayır”,- qəzet yazır.

Bloomberg:“Çində generalların sıralarında böyük “təmizləmə” aparılır

Materialda bildirilir ki, Pit Heqsetin kiminlə danışıqlar apara biləcəyi ilə bağlı fikir ayrılıqları da var. Pekin bu keyfiyyətdə Çinin Müdafiə naziri Dun Tszyunu görür, ABŞ isə Çinin Mərkəzi Hərbi Komissiyasının (MHK) sədr müavini Çjan Yus ilə dialoqda maraqlıdır.

Xatırladaq ki, bundan əvvəl mənbələrə istinad edən “Bloomberg” agentliyi Çinin sədri Si Cinpin Mao Tszedunun hakimiyyəti dövründən bəri ölkənin hərbi generallarının sıralarında, o cümlədən MHK-da ən böyük “təmizlənmə” apardığını yazmışdı.

Sahil İsgəndərov
AzVision.az