"Qarabağ" UEFA-nın klub reytinqində yerini yaxşılaşdırıb.
Oxu.Az xəbər verir ki, ölkə çempionu avrokubokların Liqa mərhələsi ərəfəsində yenilənən reytinqdə 12 pillə irəliləyib. Ağdamlılar 57-ci pilləyə yüksəliblər.
Təmsilçimiz mövsümə 69-cu yerdə başlamışdı. "Qarabağ"ın ehtiyatında hazırda 35.000 əmsal var.
Çempionlar Liqasında "Qarabağ"ın rəqiblərindən 7-si reytinqdə onu üstələyir. "Liverpul" 5-ci (107.500 əmsal), "Benfika" 10-cu (83.750), "Çelsi" 12-ci (82.000), "Ayntraxt" 15-ci (80.000), "Napoli" 31-ci (57.000), "Ayaks" 35-ci (54.250), "Kopenhagen" 40-cı (48.375) yeri tutur. Yalnız 62-ci (32.750) pillədə olan "Atletik" Azərbaycan çempionundan geri qalır.
