Azərbaycan milli futbol komandasının baş məşqçisi Fernandu Santuş AFFA-nın inzibati binasında keçirilən mətbuat konfransında sentyabrın 1-dən başlayacaq təlim-məşq toplanışına dəvət etdiyi futbolçuların adlarını açıqlayıb.
Finss.az xəbər verir ki, bu barədə Azərbaycan Futbol Federasiyaları Assosiasiyası (AFFA) məlumat yayıb.
Baş məşqçi Santuş sentyabrın 1-dən baş tutacaq toplanış üçün aşağıdakı oyunçuları dəvət edib: Rza Cəfərov (Neftçi), Şahrudin Məhəmmədəliyev (Qarabağ), Aydın Bayramov (Zirə), Abbas Hüseynov (Qarabağ), Qismət Alıyev (Zirə), Bəhlul Mustafazadə (Qarabağ), Elvin Bədəlov (Neftçi), Cəlal Hüseynov (Arda, Bolqarıstan), Rəhman Daşdəmirov (Sabah), Anton Krivotsyuk (“Daejeon Hana Siti”, Cənubi Koreya), Elvin Cəfərquliyev (Qarabağ), Toral Bayramov (Qarabağ), İsmayıl İbrahimli (Zirə), Ceyhun Nuriyev (Zirə), Səbuhi Abdullazadə (Sumqayıt), Emin Mahmudov (Neftçi), Anatoli Nuriyev (Sabah), Ozan Can Kökçü (Volendam, Niderland), Şahin Şahniyarov (Qəbələ), Mahir Emreli (Kayzerslautern, Almaniya), Nəriman Axundzadə (Qarabağ), Renat Dadaşov (Motor, Polşa), Musa Qurbanlı (Qarabağ) və Xəyal Əliyev (Sabah).
Qeyd edək ki, Azərbaycan milli komandası D qrupu çərçivəsində sentyabrın 5-də Bakı vaxtı ilə saat 22:45-də “Lauqardalsvollur” stadionunda İslandiya yığması, sentyabrın 9-da isə saat 20:00-da Tofiq Bəhramov adına Respublika Stadionunda Ukrayna seçməsi ilə qarşılaşacaq.
