Finss.az xəbər verir ki, Avropa Komissiyasının hesabatına əsasən, Avrozonada biznes və istehlakçı inamının kompozit indeksi avqustda 95,2 bəndədək azalıb.
İyulda yenidən işlənmiş məlumatlara əsasən, bu göstərici əvvəllər bildirildiyi kimi 95,8 bal yox, 95,7 bal təşkil edib.
“Trading Economics”in məlumatına görə, analitiklər orta hesabla göstəricinin daha əvvəl elan edilmiş iyul qiymətindən 96 bəndədək artacağını gözləyirdilər.
Avrozonanın sənaye sektoruna etimad indeksi avqustda iyulda mənfi 10,5 bənddən mənfi 10,3 bəndədək artıb, xidmətlər sektorunda isə 8,9 bənddən 6,7 bəndədək azalıb.
Avqustda istehlakçı inamı göstəricisi iyuldakı mənfi 14,7 bənddən mənfi 15,5 punkta düşüb.
Avropalılar arasında inflyasiya gözləntilərinin göstəricisi bir ay əvvəlki 25,1 bənddən 25,9 bəndədək yüksəlib.
