Ajans.az Haber Global-a istinadən xəbər verir. Hakan Fidan bildirib ki, “İsrail Fələstində, xüsusilə Qəzzada ehtiyatsız hücumlarını davam etdirsə, bu, yalnız fələstinlilərə təsir etməyəcək, bütün bölgəni alov içində buraxa bilər”. Nazir vurğulayıb ki, Qəzzada törədilən vəhşiliklər bəşər tarixinin ən qaranlıq səhifələrindən biridir və Fələstin xalqının müqaviməti tarixi dəyişdirəcək, məzlumların simvoluna çevriləcək. Fidan əlavə edib: “İsrailin Qəzzadan deportasiya planı kim tərəfindən təklif olunmasından asılı olmayaraq bizim üçün etibarsızdır. Suriyanın qədim və dəyərli icmalarının bu təhrif olunmuş məqsədlər üçün istismar edilməsinə icazə verməyəcəyik”. Nazir həmçinin Türkiyənin İsraillə ticarət əlaqələrini tamamilə dayandırdığını, türk gəmilərinin İsrail limanlarına və təyyarələrinin hava məkanına daxil olmasına icazə verilmədiyini açıqlayıb. Fövqəladə sessiya TBMM sədri Numan Kurtulmuşun sədrliyi ilə keçirilmiş və İsrailin Qəzzaya hücumları, soyqırımı, aclıq siyasətləri və bölgədəki mövcud vəziyyət müzakirə olunmuşdur.

 

• Qəzza
• Suriya
• Hakan Fidan
• Deportasiya
• İsrail
• Işğal Planı