- Ночной Режим
- Домашняя страница
- Статистика
- Источники
- Рейтинг
- Погода
- Валюта
Rauf Zeyni: “Son 200 ildə mümkün olmayan ədalət bərpa olundu”
Onun sözlərinə görə, 30 ildən sonra Azərbaycan xalqı, dövləti və ordusu torpaqlarımızı işğaldan azad etdi və tarixdə yeni mərhələ açıldı:
"30 ildən sonra Azərbaycan xalqı, Azərbaycan dövləti və Azərbaycan Ordusu torpaqlarımızın işğaldan azad olunmasını təmin etdi. Müzəffər Ordu, Müzəffər Ali Baş Komandan, Qalib Xalq və Qalib Dövlət məfhumuna nail olundu. Bununla yanaşı, biz illərdir Böyük Qayıdış Dövlət Proqramının həyata keçirilməsini gözləyirdik və bu proqram bu gün çox böyük uğurla icra olunur. İşğaldan azad edilmiş bütün ərazilərdə genişmiqyaslı quruculuq işləri aparılır, Qarabağın dirçəlişi təmin edilir və Böyük Qayıdış prosesi həyata keçirilir. Bu, Azərbaycan xalqı, Azərbaycan əhalisi və Azərbaycan vətəndaşı olaraq hər birimizi həm duyğulandırır, həm də böyük qürur hissi ilə təmin edir. Çünki biz artıq işğaldan azad olunmuş torpaqlarımıza Böyük Qayıdış köçü ilə geri dönürük. Bu, çox tarixi bir hadisədir".
QHT rəhbərinin sözlərinə görə, Azərbaycan beynəlxalq hüquq çərçivəsində BMT və digər beynəlxalq təşkilatların həyata keçirə bilmədiyini reallaşdıraraq ədaləti bərpa etdi:
"44 günlük Vətən müharibəsindən və 2023-cü ildə keçirilmiş antiterror əməliyyatından sonra Azərbaycanın tam suverenliyi bərpa olundu. Bu, tarixdə görünməmiş bir hadisədir. Son 200 ildə mümkün olmayan ədalət bərpa olundu."
