“Bakı Metropoliteni” QSC xətlərə planlaşdırıldığından daha artıq qatar buraxacaq.
Xezerxeber.az-ın məlumatına görə, bu barədə “Bakı Metropoliteni” QSC sədrinin müşaviri Emil Əhmədov bildirib.
Onun sözlərinə görə, sərnişin məmnuniyyəti, eləcə də xidmət keyfiyyətini artırmaq məqsədilə yeni nəsil vaqonlar alınıb.
Emil Əhmədov bildirib ki, bu vaqonların istismarı əsasən yaşıl xətdə, “Dərnəgül”-“Əhmədli” marşrutunda nəzərdə tutulur. Vaqonların komplektləşdirilməsi və yığılmasının texniki tamamlanma işləri "Xocəsən" elektrik deposunda yerinə yetirilir.
Gediş haqqı məsələsinə gəlincə, Bakı metrosunda tariflərin tənzimlənməsi ilə bağlı hər hansı bir məlumatın mövcud olmadığı qeyd edilib.
Xezerxeber.az mövzu ilə bağlı daha ətraflı videomaterialı təqdim edir.
