ABŞ mümkün sülh razılaşması çərçivəsində Ukraynanın ərazi bütövlüyünün qorunmasına çalışır. Bunu ABŞ vitse-prezidenti Cey Di Vens USA Today-ə müsahibəsində deyib.
Editor.az xəbər verir ki, onun sözlərinə görə, ABŞ prezidenti Donald Tramp ilə Ukrayna prezidenti Vladimir Zelenski arasında bir neçə səmərəli müzakirə aparılıb. Vens qeyd edib ki, Vaşinqton sülhün bərqərar olması üçün səylərini davam etdirəcək.
“Bu məsələdə biz prezident Zelenski ilə əsasən həmfikirik, baxmayaraq ki, müəyyən fərqli yanaşmalar da var. Biz Ukraynanın ərazi bütövlüyünü qorumaq istəyirik. Rusiya bütün ölkəni ələ keçirməməlidir. Ən əsası isə, qətllərə son qoyulmalıdır”, – Vens vurğulayıb.
//Samir Qurbanov, Editor.az
