Taqanski Rayon Məhkəməsi Satira Teatrının keçmiş direktoru Məmmədəli Ağayevi həbs edib.
"Unikal" "RBK"ya istinadən xəbər verir ki, Ağayev Cinayət Məcəlləsinin 159-cu maddəsinin 4-cü hissəsi (xüsusilə külli miqdarda dələduzluq) ilə ittiham olunub və onu 10 ilədək azadlıqdan məhrumetmə cəzası gözləyir. Ağayevin və yaxın qohumlarının hesablarına həbs qoyulub.
Avqustun 28-də Rusiya Daxili İşlər Nazirliyinin rəsmi nümayəndəsi İrina Volk paytaxt teatrlarından birinin keçmiş direktorunun dələduzluqda şübhəli bilinərək regional FTX əməkdaşlarının birgə saxlanması barədə məlumat verib. Sonradan məlum olub ki, saxlanılan şəxs 1992-2021-ci illərdə Satira Teatrının direktoru olmuş Ağayevdir.
İlkin məlumata görə, Ağayev saxta müəlliflik müqavilələri bağlayaraq teatra tamaşaların ssenarilərini satıb. O, hər ictimai çıxışdan qazancın 4%-ni alıb. Daxili İşlər Nazirliyi dəyən ziyanı 20 milyon rubldan çox qiymətləndirib.
Məmədəli Ağayev Naxçıvanda anadan olub, Bakıda təhsil alıb. 1985-ci ildə Satira Teatrına idarəçi kimi işə başlayıb, 1992-ci ildə direktor olub və 30 dekabr 2021-ci ildə öz istəyi ilə istefa verib. Bir çox peşəkar mükafatlara, o cümlədən Rusiyanın Əməkdar Mədəniyyət İşçisi (1995-ci ildə təltif edilib) və Rusiyanın Əməkdar Artisti (2018-ci ildə təltif edilib) adına layiq görülüb.
Ağayev 2012-ci ildə Rusiya arasında əlaqələrin möhkəmləndirilməsində xidmətlərinə görə Rusiyanın “Dostluq” ordenini alıb.