“Sabah”ın yarımmüdafiəçisi Umarali Raxmonaliyev Özbəkistanın U-23 millisinə dəvət alıb.
Sportinfo.az xəbər verir ki, bu barədə klubun mətbuat xidməti məlumat yayıb.
22 yaşlı futbolçunun adı Özbəkistan millisinin U-23 Asiya Kubokunun seçmə mərhələsi çərçivəsində keçiriləcək Qırğızıstan, Şri-Lanka və Fələstin yığmaları ilə matçlar üçün açıqlanmış heyətə daxil edilib.
Özbəkistan U-23 yığması Şri Lanka ilə sentyabrın 3-də, Qırğızıstanla sentyabrın 6-da, Fələstinlə isə sentyabrın 9-da qarşılaşacaq.
Umarali Raxmonaliyev bu ilin yanvar ayından "Sabah"ın formasını geyinir.
