Türkiyənin STM şirkəti dəniz sahəsindəki milli texnologiyalarını “TEKNOFEST Mavi Vatan” tədbirində nümayiş etdirir.
“Poliqon” STM-ə istinadən xəbər verir ki, “İstanbul” Tərsanə Komandanlığında keçirilən tədbirdə STM-in baş podratçısı olduğu Türkiyənin ilk milli freqatı TCG İSTANBUL (F-515), o cümlədən şirkətin mühüm rol aldığı MİLGEM “Ada” sinifli korvetlər və TCG HIZIRREİS sualtı qayığı təqdim olunur.
Tədbirdə STM şirkətinin stendində isə Türkiyənin milli freqat layihəsi “İstif” sinfi, Logistika Dəstək Gəmisi, STM500 sualtı qayığı və STM NETA insansız avtonom sualtı aparatları sərgilənir.
STM-in baş direktoru Özgür Güleryüz, TEKNOFEST-in gənclərə təqdim etdiyi imkanlara diqqət çəkərək belə deyib: “TEKNOFEST, gənclərimizin xəyallarını texnologiya ilə birləşdirdiyi, Türkiyənin gələcəyini formalaşdıran çox dəyərli bir görüş nöqtəsidir. Biz də STM olaraq Mavi Vatan’da əldə etdiyimiz mühəndislik uğurlarımızı gənclərimizə çatdırmaqdan böyük qürur duyuruq. Türk mühəndislərinin hazırladığı milli döyüş gəmiləri, sualtı qayıqlar və insansız sualtı aparatlar ilə Donanmamızın gücünə güc qatırıq. İnanırıq ki, gənclərimiz də bu layihələrdən ilham alaraq gələcəyin texnologiyalarına istiqamət verəcəklər. Türkiyənin dənizlərdəki mühəndislik visionunu yaxından kəşf etmələri üçün bütün vətəndaşlarımızı TEKNOFEST Mavi Vatan-a dəvət edirik”.
#gallery-1 {
margin: auto;
}
#gallery-1 .gallery-item {
float: left;
margin-top: 10px;
text-align: center;
width: 100%;
}
#gallery-1 img {
border: 2px solid #cfcfcf;
}
#gallery-1 .gallery-caption {
margin-left: 0;
}
/* see gallery_shortcode() in wp-includes/media.php */
