Şanxay Əməkdaşlıq Təşkilatının (ŞƏT) Tyantszin sammitlərinin əsas nəticəsi iştirakçıların öz milli maraqlarını müdafiə etməyə hazır olmasıdır. Bu barədə Rusiyanın xarici işlər naziri Sergey Lavrov “Rossiya 1” telekanalının jurnalisti Pavel Zarubinə müsahibəsində bildirib.
“Bu qətiyyət, təxribatlara boyun əyməmək, öz hüquqlarını beynəlxalq hüquq normalarına tam uyğun müdafiə etmək, onların qanuni mənafelərinin müdafiəsinə diqqət yetirmək göz qabağındadır”, - deyə o bildirib.
Nazirin sözlərinə görə, bu kollektiv qətiyyət görüşlərin əsas nəticəsidir. Rusiya Xarici İşlər Nazirliyinin rəhbəri həmçinin “kollektiv Qərb”i şantaj və sanksiyalarla dünyada dominantlığını qoruyub saxlamağa çalışmasına görə qınayıb. Lavrovun sözlərinə görə, təşkilatın iştirakçıları rəqibləri sıxışdırmaq üçün istifadə edilən belə bir siyasətin qanunsuzluğu barədə razılığa gəliblər.
Eyni şərhdə rusiyalı nazir ŞƏT-in iclası zamanı Çin sədri Si Cinpinin irəli sürdüyü təşəbbüslərin nəzərə alındığını və növbəti gündən təşkilatın orqanlarında müzakirə olunacağını bildirib. Xüsusilə, bu, daha ədalətli və bərabər qlobal idarəetmə sisteminin yaradılmasına aiddir.
Əziz Mustafa
