ain.az, Cebheinfo portalından verilən məlumatlara əsaslanaraq xəbər verir.
Ukraynada keçirilən son sorğuya görə, əhalinin 82 faizi müharibənin dayandırılmasını və sülh danışıqlarını dəstəkləyir, yalnız %11-i müharibənin davam etməsini istəyir.
"Cebheinfo.az" xəbər verir ki, Rating Qrupu tərəfindən aparılan sorğu ukraynalıların müharibəyə münasibətində mühüm dəyişiklik olduğunu ortaya qoyur. Sorğuda iştirak edənlərin 20 faizi Rusiya ilə birbaşa danışıqlar yolu ilə razılaşma əldə olunmasını dəstəkləyir, 62 faizi isə digər ölkələrin də daxil olduğu danışıqlara üstünlük verir.
Ukrayna xalqı müharibənin dayandırılması və sülhün təmin olunması üçün beynəlxalq aktorların da prosesə cəlb olunmasını istəyir. Xatırladaq ki, 2023-cü ilin ortalarında ukraynalıların 60 faizi bütün torpaqlar geri alınana qədər müharibənin davam etməsini dəstəkləyirdi.
Lakin bu nisbət zamanla azalıb və hazırda 11 faizə düşüb. Ukrayna xalqının müharibəyə münasibətində ciddi dəyişiklik müşahidə olunur. Sorğu nəticələrinə görə, ukraynalıların 58 faizi təhlükəsizlik zəmanətlərinin təmin olunmasını itirilmiş torpaqların geri alınmasından daha vacib hesab edir.
Yalnız 31 faizi torpaqların geri alınmasının daha önəmli olduğunu düşünür. Ukrayna xalqının 75 faizi atəşkəsin yalnız ABŞ və Avropadan təhlükəsizlik zəmanətləri alındığı halda qəbul edilə biləcəyini düşünür.
Kiyev rəhbərliyi heç bir şərt irəli sürmədən və təhlükəsizlik zəmanətləri olmadan cəbhə xətti boyunca atəşkəs təklifini qəbul etmişdi. Rusiya isə müvəqqəti atəşkəsin həll olmadığını, yekun sülh sazişinin imzalanmasını tələb edir. Lakin Rusiya bu təklifi qəbul etməyib və bütün Donetsk Xalq Respublikasının (DNR) nəzarətinin Ukrayna tərəfindən tanınması kimi şərtlər irəli sürüb.
Ukraynada müharibənin davamına dair münasibət zamanla əhəmiyyətli dərəcədə dəyişib. 2023-cü ilin ortalarında müharibənin davamını dəstəkləyənlərin nisbəti 60 faiz idisə, bu gün bu rəqəm 11-ə enib. Ukrayna xalqı müharibənin dayandırılması və sülhün təmin olunması istiqamətində daha çox dəstək göstərir.
Təhlükəsizlik zəmanətlərinin təmin olunmasının torpaqların geri alınmasından daha vacib olduğu düşüncəsi, Ukrayna xalqının müharibəyə münasibətinə təsir edir. Ukraynalılar sülhün təmin olunması üçün beynəlxalq aktorların da prosesə daxil olmasını istəyir.
Nigar Hacılı
"Cebheinfo.az"
Sonrakı hadisələr barədə daha çox məlumat almaq üçün ain.az saytını izləyin.
