ain.az, Bakivaxti saytından verilən məlumata əsaslanaraq xəbər yayır.
Lənkəran rayonunun ucqar dağ kəndi olan Gərgiranda açıq sahədə yanğın baş verib.
Bakıvaxtı.az xəbər verir ki, boş bələdiyyə ərazisində başlayan alov qısa zamanda genişlənərək təqribən 2 hektar sahəni əhatə edib.
Məlumata görə, yanğın Hirkan Milli Parkının ərazisinə də keçib. Hadisə yerinə Fövqəladə Hallar Nazirliyinin Lənkəran Yanğından Mühafizə Hissəsinin 2 texnikası və 15 nəfərlik şəxsi heyəti cəlb olunub. Əraziyə həmçinin aidiyyəti qurumların nümayəndələri və Hirkan Milli Parkının rəhbərliyi də gedib.
Yanğının təhlükəli hissələri söndürülüb, alov lokallaşdırılıb. Lakin bəzi sahələrdə tüstülənmə müşahidə olunur. Hazırda yanğının tam söndürülməsi istiqamətində işlər davam etdirilir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
