Qazaxıstan Parlamenti Ermənistanla qarşılıqlı səfərlər və vətəndaşların ölkədə qalma qaydalarını tənzimləyən sazişi ratifikasiya edib.
Moderator.az xəbər verir ki, 2024-cü ilin aprelində İrəvanda imzalanan sənədin əsas yeniliyi 90 günlük vizasız rejimin tətbiqidir.
Sazişə əsasən, hər iki ölkənin vətəndaşları etibarlı sənəd - pasport (o cümlədən xidməti və diplomatik), dənizçinin şəxsiyyət vəsiqəsi və ya geri qayıtma şəhadətnaməsi olduqda, qarşı tərəfin ərazisində üç aya qədər viza tələb olunmadan qala biləcəklər.
