"Neftçi"nin futbolçusu cəzalandırıldı

AFFA İntizam Komitəsi "Neftçi"nin futbolçusu İqor Ribeyronu cəzalandırıb.

"Football-plus.az" xəbər verir ki, qurumun bugünkü iclasında belə qərar qəbul edilib.

Qərarda qeyd olunub ki, 25 yaşlı müdafiəçi “Turan Tovuz” oyunun 55-ci dəqiqəsində təcavüzkar davranışa yol verib (rəqibi vurub). Nəticədə o, birbaşa qırmızı vərəqə alıb. AFFA İntizam Komitəsi bu səbəbdən də braziliyalı futbolçunu 3 oyunluq cəzalandırıb.

Paytaxt təmsilçisi isə 3000 manat cərimələnib.

Qeyd edək ki, bu ilin avqust ayının 1-də "Araz-Naxçıvan"dan "Neftçi"yə keçib.