Litva xokkeyinin əfsanəsi Mindauqas Kieras 45 yaşında faciəvi şəkildə dünyasını dəyişib.
Publika.az xəbər verir ki, faciə Kierasın ailəsi ilə birlikdə istirahət etdiyi Şventoji çayında baş verib. Mindauqas körpüdən suya tullanıb və ölümcül xəsarətlər alıb. Onun baş və boyun nahiyəsində kəsiklər aşkar edilib.
Kieras sentyabrın 4-də dəfn olunacaq. Litva prezidenti Qitanas Nauseda onun vəfatı ilə bağlı yaxınlarına başsağlığı verib.
