Ajans.az Haber Global-a istinadən xəbər verir ki,hadisə Abdulmenaf Kısak (50) və onun 14 yaşlı oğlu Bayram Kısakın yaylada olduğu vaxt baş verib. Güclü yağış və ildırım zamanı ata və oğulun bədəninə ildırım düşüb. Ətrafdakı şəxslərin dərhal 112 Təcili Yardım Xidmətinə məlumat verməsi ilə hadisə yerinə jandarma və təcili tibbi yardım qrupları cəlb olunub. Aparılan ilkin yoxlamalar nəticəsində hər iki şəxsin hadisə yerində həyatını itirdiyi müəyyən olunub. Mərhumların cəsədləri hüquqi ekspertiza və yarılma üçün xəstəxananın meyitxanasına aparılıb. Hadisə ilə bağlı araşdırma aparılır.
