Kiyev meri Vitaliy Kliçko Prezident Volodimir Zelenskini №13439-3 saylı qanun layihəsini imzalamamağa çağırıb.
Editor.az xəbər verir ki, bu qanun layihəsi, xüsusilə, paytaxtın büdcəsindən 8 milyard qrivna vəsaitin alınmasını nəzərdə tutur.
Kliçko vurğulayıb ki, qanun layihəsi müvafiq Konstitusiya prinsiplərinə və Büdcə Məcəlləsinə ziddir. O, Prezidentdən qanunu Yuxarı Rada tərəfindən yenidən nəzərdən keçirilməsi üçün geri qaytarmağı xahiş edib.
Kiyev meriyasının yaydığı məlumatda bildirilir ki, bu dəyişikliklər bələdiyyələrin müstəqilliyi və büdcələrinin tarazlığı prinsiplərinə uyğun gəlmir. Konstitusiya və büdcə qanunvericiliyi yerli özünüidarə orqanlarının maliyyə dəstəyində iştirakını və onların xərclərinin ödənməsini təmin edir.
Qanunda nəzərdə tutulan dəyişikliklər, həmçinin “Paytaxt haqqında” Qanuna da zidd hesab olunur.
//Samir Qurbanov, Editor.az
