BAKI, 6 sentyabr. TELEQRAF
“Mədəniyyət əvəzinə yumşaq güc və təsir aləti yaradan Qərbin bu yanaşması onun Axilles dabanıdır”.
Teleqraf xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“ABŞ-nin özü bu günün kütləvi, pop və kino mədəniyyəti sahəsində bir nömrəli sayılmaq hüququnu özünə həvalə edib. Çoxları bu fikri bölüşdü, özlərinə və mədəniyyətlərinə bir rol müəyyən edərək, onu yumşaq güc kimi önə çıxardılar. Bu da onların Axilles dabanıdır, çünki mədəniyyətə belə yanaşırlar”, - diplomat bildirib.
Zaxarova ABŞ-nin Holivuddan yumşaq güc kimi istifadə etməsinə də diqqət çəkib: “Hollivud “Amerika həyatı” və “Amerika arzusu” adlandırılan anlayışlar üçün müəyyən bir obraz yaradır”.
Rusiya rəsmisinin iddiasına görə, onlar mədəniyyət yox, daha çox yumşaq güc və alətlər, öz təsirlərini həyata keçirmək üçün alətlər toplusu yaradıblar: “Birləşmiş Ştatlar da başqa mədəniyyətlərə utilitar münasibət bəsləyir və hesab edir ki, digər ölkələrdə də təxminən eynidir. Onların Rusiyaya münasibəti eynidir. Ən təəccüblüsü isə odur ki, onların Çinə də münasibəti belədir”.
