AK Putinin bəyanatını alqışlayır

AzVision.az “Euractiv” portalına istinadən xəbər verir ki, AK-nin mətbuat katibi Paula Pinyo belə açıqlama səsləndirib.

“Prezident Putinin Ukraynanın yerini Aİ-də görməsi çox bəyənilir”,- avropalı məmur vurğulayıb.

Xatırladaq ki, Vladimir Putin sentyabrın 5-də Şərq İqtisadi Forumunun (ŞİF) plenar iclasında Ukraynanın Aİ-yə mümkün üzvlüyünü istisna etməyib.

- Bu, Ukraynanın öz beynəlxalq münasibətlərini necə qurmaq, iqtisadi sahədə maraqlarını necə təmin etmək, kiminlə ittifaqlara girmək barədə qanuni seçimidir”,- Rusiya lideri deyib.

Eyni zamanda, o qeyd edib ki, Moskva Ukraynanın Avropaya inteqrasiya siyasətinin
başlamasına mane olmayıb, çünki bu məsələnin ölkəyə aidiyyatı yoxdur. Moskva yalnız Rusiyanın maraqlarına toxunan məsələlərə operativ münasibət sərgiləyib.

Sahil İsgəndərov
AzVision.az