Hərracda önə çıxan əsərlər arasında Berni Vraytsonun “Frankenstein” rəsmləri, “Panın Labirinti” filmindən konsept eskizləri və “Hellboy”un əfsanəvi ov tüfəngi “Big Baby” yer alır.
Kulis.az xəbər verir ki, Oskar mükafatlı, meksikalı rejissor Gilermo del Toro uzun müddət gözlənilən “Frankenstein” filmini Venetsiya Film Festivalında böyük həvəslə təqdim etdikdən sonra geniş qorxu və fantaziya kolleksiyasının bir hissəsini hərraca çıxarır.
Qeyd edək ki, ilk hərrac 26 sentyabrda 100-dən çox eksponatla onlayn olaraq başlayacaq; digər hissələr isə gələn il satışa çıxarılacaq.
