BAKI, 7 sentyabr. TELEQRAF
İsveçdə Vəsternorrlandın şimal hissələrinə yağan güclü yağış səbəbindən silah-sursat daşıyan qatar relsdən çıxıb.
Teleqraf xəbər verir ki, bu barədə "SVT" telekanalı məlumat yayıb.
İsveç Nəqliyyat Administrasiyasının məlumatına görə, dəmir yolunun bərpası bir neçə həftə çəkəcək. Qatarın bir neçə vaqonunda döyüş sursatı və litium batareyaları olub.
Təhlükəli yüklər təcili yardım xidmətlərinə təhvil veriləcək. Bundan sonra dəymiş ziyanın məbləği qiymətləndiriləcək.
