BAKI, 8 sentyabr. TELEQRAF
Fransa Milli Assambleyasında (parlamentin aşağı palatası) hökumətə etimad məsələsi üzrə səsverməkeçiriləcək.
Teleqraf xəbər verir ki, səsvermənin hazırkı baş nazir Fransua Bayrunun məğlubiyyəti ilə nəticələnəcəyi gözlənilir.
Parlamentin televiziya kanalı olan LCP-nin deputatların açıq bəyanatlarına və öz mənbələrinə istinadən apardığı hesablamalara görə, ümumilikdə 577 parlamentaridən 330-u (sağ müxalifətin 138 nümayəndəsi və sol müxalifətin 172 nümayəndəsi) hökumətə etimad göstərmək niyyətində deyil. Bu say, hətta klassik etimadsızlıq votumu halında, mütləq çoxluq tələb olunduqda belə, hökumətin istefası üçün kifayət hesab olunur. Hazırkı vəziyyətdə olduğu kimi, səsvermə baş nazirin özü tərəfindən təşəbbüs edildikdə isə, lehinə və əleyhinə səs verənlərin nisbəti nəzərə alınır. Buna görə də bitərəf qalacağı gözlənilən təxminən 40 nəfərin faktiki olaraq hökumət əleyhdarlarının tərəfində çıxış edəcəkləri gözlənilir.
