Türkiyə millisinin baş məşqçisi Vinçenzo Montella İspaniyaya 0:6 hesablı məğlubiyyəti şərh edib.
İdmanxeber.az-ın məlumatına görə, italiyalı mütəxəssis matçdan sonra bunları söyləyib:
“Hamımız çox məyusuq. Futbolçularımız, azarkeşlərimiz üçün üzülürük. Açığını desəm, oyunun əvvəlində bir neçə qol imkanı qazandıq, amma dəyərləndirə bilmədik. Ardınca ilk fürsətdə qapımızda qol gördük, sonra ikinci top gəldi. Belə olanda zamanla inam da azalır. Nəticədə bu nəticə ortaya çıxdı. Komandamız inkişaf mərhələsindədir. Ağıllı davransaq, bu görüşdən dərs çıxara bilərik.”
