Diqqət: "Makler" evləri bu yolla ayırd etmək olur

"Evin "makler" yoxsa fərdi yaşayış evi olmasını yalnız mütəxəssis müəyyən edə bilər. Çünki elə evlər var ki, insanlar özləri üçün tikirlər.Elə evlər də var ki, doğrudan da maklerlər tikir, amma keyfiyyətli olur. Burada birinci şərt ondan ibarətdir ki, ev mütləq daşdan olmalıdır, çünki daş evlər daha uyğundur. İkinci vacib məqam evin beton lentinin (fundamentinin) olmasıdır".

Bunu Demokrat.az-a açıqlamasında Azərbaycan Qiymətləndiricilər Cəmiyyətinin sədri, iqtisadçı ekspert Vüqar Oruc deyib.

"Yəni, əgər ev bir mərtəbəlidirsə, mütləq kürsü mərtəbəsi ilə birinci mərtəbə arasında, iki mərtəbəlidirsə, mərtəbələr arasında beton arakəsmə olmalıdır. Sonra, armatur istifadəsinə diqqət etmək lazımdır. Əslində, evin tikintisinə baxan kimi bilinir ki, keyfiyyətlidir, ya yox".

O bildirib ki, digər əlamətlərdən biri həyət məsələsidir:

"Maklerlər çalışırlar ki, həyət yalnız evin altında olan sahəni və bir maşınlıq giriş yolunu əhatə etsin. Çünki maklerlər üçün 300–400 kv.m torpaq sahəsində ev tikib satmaq sərf etmir. Torpaqlar baha olduğuna görə adətən həyət çox kiçik olur.

Bütün bunlar nəzərə alınmalıdır. Əlavə olaraq, əgər ev təmirlidirsə, təmirdə istifadə olunan materiallara da baxmaq lazımdır. Yerli və Çin mallarından istifadə olunubsa, bu, çox vaxt makler evi olur. Yox, əgər Rusiya və ya Türkiyə istehsalı olan materiallardan istifadə edilibsə, o zaman keyfiyyətli hesab etmək olar.

Bir də makler evlərinin bazarda digərlərindən daha ucuz təklif olunması da onların əlamətlərindən biridir".

Əfsanə Kamal
Demokrat.az

Избранный

126

demokrat.az

Diqqət: "Makler" evləri bu yolla ayırd etmək olur

Войдите в свой аккаунт

Регистр

Сброс пароля