2024-cü ildə Azərbaycanda dövlət qeydiyyatında olan nəqliyyat vasitələrinin (avtomobillər, motosikillər, qoşqu və yarımqoşqular) sayı 99 min 328 ədəd artaraq 31 dekabr 2024-cü il tarixində 1 milyon 873 min 405 ədəd təşkil edib.
Marja.az Dövlət Statistika Komitəsinə istinadən xəbər verir ki, o cümlədən avtomobillərin sayı 94 min 934 ədəd artaraq 1 milyon 833 min 874 ədədə, motosillərin sayı 2 min 90 ədəd artaraq 10 min 822 ədədə, qoşqu və yarımqoşquların sayı 2 min 304 ədəd artaraq 28 min 709 ədəd çatıb.
2024-cü ilin sonunda Azərbaycanda hər 1000 nəfərə 179 ədəd avtomobil (2023-cü ilin sonunda 171 ədəd), hər min nəfərə 155 minik avtomobili (2023-cü ilin sonunda 148 ədəd), hər 100 ev təsərrüfatına 65 şəxsi minik avtomobili (2023-cü ildə 62 ədəd) düşüb.
Qeyd edək ki, qərb ölkələrində hər 100 ailəyə düşən avtomobillərin sayı 100 ədəddən çoxdur. Məsələn, Böyük Britaniyada hər 100 ailəyə təxminən 123 avtomobil düşür.
