ABŞ Rusiya, Çin və İrandan informasiya hücumlarına qarşı birgə mübarizə aparmaq üçün avropalı tərəfdaşları ilə yaradılmış anlaşma memorandumlarından çıxmaq qərarına gəlib.
XəzərNews.az xəbər verir ki, məlumatı "Financial Times"ın sentyabrın 8-də üç avropalı rəsmiyə istinadən yayıb.
Məlumata görə, Vaşinqton Avropa ölkələrini xarici dezinformasiya kampaniyalarına qarşı mübarizə proqramı çərçivəsində əməkdaşlığın dayandırılması barədə məlumatlandırıb. Qeyd olunur ki, ötən həftə Aİ ölkələrinin hökumətləri ABŞ Dövlət Departamentindən müvafiq memorandumların ləğvi ilə bağlı rəsmi notalar alıblar.
Bu sənədlər keçən il, Co Baydenin prezidentliyi dövründə imzalanıb və avtoritar rejimlərin sabitliyi pozmaq məqsədi ilə yaydığı saxta xəbərlərin müəyyən edilməsi və ifşa edilməsi üçün ümumi yanaşma təmin etmək məqsədi daşıyırdı.
Məlumata görə, Avropa və Afrikanın təxminən 22 ölkəsi bu təşəbbüsə qoşulub.
Mərkəzin keçmiş direktoru Ceyms Rubin “Financial Times” qəzetinə verdiyi şərhdə Rusiya və Çinin Qərbə informasiya təzyiqlərini artırdığı bir vaxtda ABŞ-ın qərarını “birtərəfli tərksilah aktı” adlandırıb. O, həmçinin xəbərdarlıq edib ki, süni intellektin inkişafı bu riskləri daha da artıracaq.
Xəbər 79 dəfə oxunub.
XəzərNews.az xəbər verir ki, məlumatı "Financial Times"ın sentyabrın 8-də üç avropalı rəsmiyə istinadən yayıb.
Məlumata görə, Vaşinqton Avropa ölkələrini xarici dezinformasiya kampaniyalarına qarşı mübarizə proqramı çərçivəsində əməkdaşlığın dayandırılması barədə məlumatlandırıb. Qeyd olunur ki, ötən həftə Aİ ölkələrinin hökumətləri ABŞ Dövlət Departamentindən müvafiq memorandumların ləğvi ilə bağlı rəsmi notalar alıblar.
Bu sənədlər keçən il, Co Baydenin prezidentliyi dövründə imzalanıb və avtoritar rejimlərin sabitliyi pozmaq məqsədi ilə yaydığı saxta xəbərlərin müəyyən edilməsi və ifşa edilməsi üçün ümumi yanaşma təmin etmək məqsədi daşıyırdı.
Məlumata görə, Avropa və Afrikanın təxminən 22 ölkəsi bu təşəbbüsə qoşulub.
Mərkəzin keçmiş direktoru Ceyms Rubin “Financial Times” qəzetinə verdiyi şərhdə Rusiya və Çinin Qərbə informasiya təzyiqlərini artırdığı bir vaxtda ABŞ-ın qərarını “birtərəfli tərksilah aktı” adlandırıb. O, həmçinin xəbərdarlıq edib ki, süni intellektin inkişafı bu riskləri daha da artıracaq.
Xəbər 79 dəfə oxunub.
