Bizimyol saytına istinadən ain.az xəbər verir.
Avropa Komissiyası, İsrail ilə ticarət əlaqələrini dayandırmağa və elmi-tədqiqat əməkdaşlığını dayandırmağa hazırdır, lakin Avropa İttifaqının (Aİ) bəzi dövlətləri belə tədbirlərin qəbuluna mane olur.
Bizimyol.info xəbər verir ki, bu barədə AB-nin xarici siyasət üzrə komissarı Kaja Kallas, Avropa Parlamentindəki müzakirələr zamanı məlumat verib.
"Bizim gələcək addımlarımız açıqdır, lakin üzv dövlətlər İsrail hökumətini kursunu dəyişdirməyə necə məcbur etməli olduqları barədə razılaşmırlar. Birlik olaraq fəaliyyət göstərə bilmərik, çünki hələ ümumi bir rəyə gəlməmişik", - deyə Kallas bildirib.
Bildirilir ki, AB, Qəzzada davam edən müharibə fonunda çətin vəziyyətə düşüb. İspaniya və Belçika artıq İsrailə qarşı tək tərəfli tədbirlər qəbul edib, Almaniya və Macarıstan isə ehtiyatlı davranır və sanksiyalara hazır deyillər.
Avropa Komissiyası tərəfindən hazırlanan mümkün addımlar arasında İsraillə ticarətin dayandırılması və ölkənin elmi tədqiqat və innovasiyaları maliyyələşdirən Horizon proqramında iştirakının dayandırılması yer alır. Lakin bu tədbirlər barədə hələlik yekdil qərar yoxdur.
Eyni zamanda Kallas qeyd edib ki, Qəzzada humanitar vəziyyətin yaxşılaşması müşahidə olunur. "Bir neçə müsbət dəyişiklik müşahidə olunur: 10 iyuldan 1 sentyabradək Qəzzaya daxil olan 2904 yük maşını olub. Martdan iyuladək isə bölgəyə heç bir yük maşını daxil olmayıb", - deyə Kallas bildirib.
O həmçinin vurğulayıb ki, diplomatik səyləri dayandırmaq olmaz. "Biz İsraillə diplomatik səyləri davam etdirməliyik, çünki danışmasaq, heç bir nəticə əldə edə bilmərik", - deyə AB-nin xarici siyasət üzrə komissarı bildirib.
Əvvəllər Kallas, İsrailin Qəzza vətəndaşlarına yardımın bloklanması və "onilliklər boyu humanitar prinsiplərin pozulması" ilə bağlı ölkənin hərəkətlərini tənqid etmişdi.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
