Yeddiqat Formula-1 çempionu və “Ferrari” sürücüsü Luis Hemilton İtaliya Qran-prisindəki çıxışı barədə fikirlərini bölüşüb.
90deqiqe.Az-ın məlumatına görə, bu barədə 40 yaşlı pilot şəxsi sosial şəbəkə hesabında yazıb.
“Soliddir irəliləyişimiz Moncada. Cəza işi bir qədər çətinləşdirdi, amma mən əlimdən gələni etdim. Tamaşaçılara yarışa gətirdikləri ehtiras üçün təşəkkür edirəm. “Ferrari”də çıxış etmək mənim üçün böyük şərəfdir, burada çox sevgi alıram. Həftəsonu ərzində göstərilən zəhmət üçün hər kəsə təşəkkür edirəm. Birlikdə əldə etdiyimiz irəliləyiş üçün minnətdaram”
Qeyd edək ki, britaniyalı sürücü Montsada altıncı nəticə göstərib. Qeyd edək ki, Hemilton əvvəlki Niderland Qran-prisində start sıralamasında beş yer itirmək cəzası almışdı və bu cəza Moncada qüvvəyə minib.
