Nepal ordusu kütləvi iğtişaşlardan sonra təhlükəsizliyi qorumaq üçün Katmandu və ölkənin böyük şəhərlərinin küçələrində patrul edir.
Ucnoqta.az xəbər verir ki, bu barədə “Kathmandu Post” qəzeti məlumat yayıb.
Səsgücləndiricilər vasitəsilə hərbçilər əhalini etirazlarda iştirak etməməyə, sülh və təhlükəsizliyin qorunmasına kömək etməyə çağırır.
Qəzetin Katmandudan dərc etdiyi videolarda küçələrin sakit olduğu, dükanların bağlı olduğu, insanların öz işlərinə tələsdiyi görünür.
Paytaxtda komendant saatı növbəti xəbərdarlığa qədər qüvvədə qalır.
