İspaniya hökuməti, açıq ərazilərdə – o cümlədən kafe və restoran terraslarında, avtobus dayanacaqlarında və stadionlarda siqaret çəkməyi qadağan edən qanun layihəsini təsdiqləyib.
Manset.az-ın əldə etdiyi məlumata görə, qadağa həmçinin gənclər arasında elektron siqaret istifadəsini də əhatə edəcək. Yeni qanun, tütün məmulatlarının reklamını və təşviqini qadağan etməyi hədəfləyir.
Səhiyyə naziri Monika Qarsiya qanunun əhəmiyyətini vurğulayaraq, insanların sağlamlığını şəxsi maraqlardan üstün tutacaqlarını qeyd edib. Sektor operatorları isə qərarın sektora mənfi təsir göstərəcəyini bildirərək tənqid ediblər.
İspaniyada hər il təxminən 50,000 nəfər siqaretlə əlaqəli səbəblərdən vəfat edir. Yeni qanun, Fransadakı oxşar qadağalara bənzəyir, lakin Fransada kafe terrasları və elektron siqaretlər qadağan edilməyib.
