Fanat saytından alınan məlumatlara görə, ain.az xəbər verir.
1-ci Liqa təmsilçisi "Difai"nin hücumçusu Kristian Kamtanın İraqın "Al-Karh" komandasına keçidinin alınmadığını xəbər vermişdik. Kamerunlu forvard geri - Ağsu klubunun düşərgəsinə qayıtmağa qərar verib. Ötən gecə Azərbaycana bilet aldığı bildirilən 21 yaşlı futbolçunun "Difai"yə qoşulub-qoşulmadığını öyrənmək üçün komandanın baş məşqçisi Hüseynqulu Quliyevlə əlaqə saxladıq.
Onun Fanat.Az-a dedikləri belə oldu:
"Açığı, hücumçunun dönüb-dönmədiyindən məlumatsızam. U-19 ilə Sloveniyada təlim-məşq toplanışında idik. "Slovenia Nations Cup" turnirindən dönürük. Hazırda İstanbuldayam, bir azdan Bakıya uçacağıq. Qayıdandan sonra futbolçunun məsələsi ilə maraqlanacağam".
"Fədailər"i ötən aydan çalışdırmağa başlayan Hüseynqulu Quliyev həm də U-19 millisinin baş məşqçisi Elxan Abdullayevin köməkçisidir.
Xatırladaq ki, "Difai" ötən mövsüm 1-ci Liqadakı mübarizəni 9-cu pillədə tamamlayıb. Sözügedən kollektiv 2-ci Liqada 4-cü yeri tutmuş "Quba"nı pley-off matçında yenərək (3:1) liqada qalıb. Komanda bu yay ötən mövsüm "Kəpəz"də baş məşqçinin köməkçisi qismində çalışmış Araz Bağırova tapşırılsa da, rəhbərlik çempionat başlamamış onunla yolları ayırıb.
Mirağa
Abunə Ol
Daha ətraflı məlumat və yeniliklər üçün ain.az saytını izləyin.
