Paytaxtda “BakuBus”a məxsus sərnişin avtobuslarının yolda ötüşməsini əks etdirən görüntülər yayılıb.
Yeniavaz.com xəbər verir ki, sosial şəbəkədə yayılan görüntülərdə avtobusların Səbail rayonu Salyan şosesində hərəkət etdikləri aydın olur.
Onların sərnişinlər və digər sürücülər üçün təhlükə yaratdığı bildirilir.
Məsələ ilə əlaqədar “BakuBus” MMC-dən “Qafqazinfo”ya bildirilib ki, məsələ araşdırılır:
“BakuBus” MMC-nin istismarında olan 149 və 72 nömrəli müntəzəm marşrut xətləri üzrə fəaliyyət göstərən avtobusların sosial şəbəkələrdə yayılan görüntüləri hazırda qurumun aidiyyəti şöbəsi tərəfindən araşdırılır.
