Rusiya Müdafiə Nazirliyinin təqdim etdiyi faktlar Polşanın guya Rusiyanın PUA-ları tərəfindən respublikanın hava məkanını qəsdən pozması ilə bağlı mifləri dağıtdı.
Hurriyyet.Az xəbər verir ki, bu barədə Rusiya Xarici İşlər Nazirliyinin Polşanın Moskvanın ünvanına PUA ittihamı ilə bağlı bəyanatında bildirilib.
Rəsmi Moskva Varşavanı məlum hadisəni Ukrayna böhranını daha da gərginləşdirmək üçün yaymaqda ittiham edib:
“Müdafiə Nazirliyi birmənalı olaraq təsdiqləyib ki, Polşa Respublikası ərazisində planlaşdırılan məhvetmə hədəfləri yoxdur və Varşavanın iddiasına görə, Polşa sərhədini keçdiyi iddia edilən Ukrayna hərbi-sənaye kompleksi müəssisələrinin yuxarıda qeyd olunan sıradan çıxarılmasında istifadə edilən PUA-ların uçuş məsafəsi 700 kilometri keçmir. Bu konkret faktlar Polşanın Ukrayna böhranını daha da gərginləşdirmək üçün yaydığı mifləri bir daha tamamilə təkzib edir”.
Bəyanatda deyilir ki, “NATO-nun Baş katibi Rutte bunu təsdiqləməyə məcbur olub”: “Polşanın tələbi ilə keçirilən NATO Şurasının Şimali Atlantika Müqaviləsi 4-cü maddəsi üzrə iclasının yekunları üzrə danışan Rutte “dəlillərin” olması ilə bağlı suala cavab verə bilməyib və “insidentlə bağlı araşdırmanın davam etdiyini” bildirib.
Varşavadan gələn bəyanatların aşkar uyğunsuzluğuna baxmayaraq, vəziyyətin daha da gərginləşməsinin qarşısını almaqda maraqlı olan bütün tərəflər üçün nə baş verdiyini tam aydınlaşdırmaqdan ötrü Rusiya Federasiyasının Müdafiə Nazirliyi Polşa Respublikasının Müdafiə Nazirliyi ilə bu mövzuda məsləhətləşmələr aparmağa hazırdır. Rusiya Xarici İşlər Nazirliyi də öz növbəsində bu işə qoşulmağa hazırdır”, - Rusiya XİN-nin bəyanatında qeyd olunub.
