“Azərbaycanlıların öz yaraları var, Azərbaycanda onlar inanırlar- mən demirəm, düzdür, ya yox- amma onlar hesab edirlər ki, Ermənistan 30 ildir onların ölkəsinin 20 faiz ərazisini işğal altında saxlayıb”.
“Cebheinfo.az” xəbər verir ki, bunu sentyabrın 11-də jurnalistlərlə söhbətində Ermənistan parlamentinin sədri Alen Simonyan deyib.
"Aydındır ki, Azərbaycan üçün gələcək təhlükənin qarşısını almaq və məsələn, 50 və ya 100 ildən sonra buna imkan verməmək vacibdir... Hər şey ola bilər", - o qeyd edib.
Onun sözlərinə görə, ermənilərin əksəriyyəti Azərbaycan sərhədçilərini görmək istəməyə bilər:
"Bu da pisdir, amma bu da zaman keçdikcə düzələcək. Eyni ermənilər və azərbaycanlılar Moskvada bizneslə məşğul olurlar və dostdurlar. Başqa ölkələrdə də belə edirlər. Gərginlik var, yaralar təzədir. Bəs biz insan öldürməmişik? Azərbaycan tərəfində insanlar ölməyib? Etibarın bərpası dövründə vəzifəmiz ünsiyyəti minimuma endirməkdən ibarətdir. Bu, o demək deyil ki, 5-10 ildən sonra belə bir ehtiyac olacaq".
O, Ermənistanın mümkün qədər tez kommunikasiyaları açmalı olduğunu bildirib.
