Qaynarinfo portalından verilən məlumata əsasən, ain.az bildirir.
Antarktidadan qopmuş ən iri aysberqlərdən biri - A23a - artıq öz varlığının son mərhələsinə yaxınlaşır.
Qaynarinfo xəbər verir ki, A23a ilk dəfə 1986-cı ildə Filxner-Ronne şelf buzlağından ayrılaraq qeydə alınmışdı. O, uzun müddət - 2020-ci ilə qədər Vedell dənizində dayazlıqda qalıb. Daha sonra dəniz axınları onu hərəkətə gətirərək şimala doğru aparıb.
2025-ci ilin əvvəlində aysberq Cənubi Corciya adasına qədər gəlib çatıb, may ayının sonlarında isə yenidən hərəkətə başlayıb. Əvvəllər onun sahəsi təxminən 4 min kvadrat kilometr idi. Lakin son peyk müşahidələrinə görə, A23a hazırda cəmi 1,8 min kvadrat kilometrə qədər kiçilib.
Britaniya Antarktika Xidmətinin okeanoqrafı Endryu Meyers bildirib ki, aysberq artıq sürətlə dağılmaqdadır:
"O, faktiki olaraq suyun altında əriyir. Temperatur çox isti olduğundan buz qorunmur. Bir neçə həftəyə A23a-nı ayrıca aysberq kimi tanımaq mümkün olmayacaq".
Alimlərin sözlərinə görə, çox az aysberq bu qədər şimala üzə bilir. Lakin A23a-nın nəhəng ölçüləri ona digərlərindən daha uzun müddət mövcud olmağa şərait yaradıb. Hazırda NASA-nın Copernicus peykləri hər gün onun dağılmasını və ətrafında yaranan buz qırıntılarını qeydə alır.
Aydın
Hadisənin gedişatını izləmək üçün ain.az saytında ən son yeniliklərə baxın.
