Baku.ws saytından verilən məlumata əsasən, ain.az məlumatı açıqlayır.
Bakıda keçirilən beynəlxalq sərgi və tədbirlərin əsas ünvanlarından biri olan Baku Ekspo Mərkəzinə ictimai nəqliyyatla gələnlər bir sıra problemlərlə üzləşirlər.
BAKU.WS-in məlumata görə, dayanacaqdan Expo-ya qədər olan yolun əlverişsizliyi həm yerli sakinlər, həm də xarici qonaqlar üçün çətinlik yaradır.
Bu isə nə rahatlıq, nə də inklüzivlik baxımından qənaətbəxş sayılır.
Nəqliyyat üzrə ekspert Rauf Ağamirzəyev məsələyə münasibət bildirərək vəziyyətin yaxşılaşdırılması üçün konkret təkliflər irəli sürüb:
Dayanacağın yaxınlaşdırılması və ya əlavə dayanacaq yaradılması;
Keçidin pandus, lift və işıqlandırma ilə daha rahat və təhlükəsiz edilməsi;
Aydın işarələmə və rəqəmsal həllərin tətbiqi (məsələn, QR kodlu xəritə);
Böyük tədbirlər zamanı shuttle-servis avtobuslarının təşkili.
Ekspertin fikrincə, kiçik dəyişikliklər belə, qonaqların Baku Ekspo Mərkəzinə gediş-gəlişini xeyli rahatlaşdıra bilər.
Qeyd edək ki, son illərdə Bakıda iri tədbirlərin sayı artdığından, nəqliyyat əlçatanlığı məsələsi də daha çox diqqət tələb edir. Belə addımlar həm şəhərin imicini gücləndirər, həm də paytaxtı ziyarət edən qonaqların rahatlığını təmin etmiş olar.
Qalereya
Daha ətraflı məlumat və yeniliklər üçün ain.az saytını izləyin.
