Sentyabrın 10-na keçən gecə Ukraynaya kütləvi hücum zamanı Rusiyanın çoxsaylı pilotsuz təyyarələri Polşanın hava məkanını pozub. Pilotsuz təyyarələri vurmaq üçün NATO təyyarələrindən istifadə edilib.
7Times.az xəbər verir ki, “Clash Report”un məlumatına görə, ABŞ prezidenti Donald Tramp bunun yanlışlıqla baş verə biləcəyini istisna etməyib.
“Ola bilər ki, bu, səhv olub. Amma bundan asılı olmayaraq, bu vəziyyətlə bağlı heç nədən razı deyiləm”, – Tramp deyib.
Tramp həmçinin bu müharibənin tezliklər bitəcəyinə ümid etdiyini bildirib.
