ain.az, Xalq qazeti portalına istinadən məlumatı açıqlayır.
ABŞ G7 ölkələrini Hindistan və Çini Rusiya neftinin alışına yüksək tariflər tətbiq etməyə məcbur etməyə çağırır. Bu, Moskvanı Ukrayna ilə danışıqlara sövq etməlidir.
"Financial Times"ın məlumatına görə, cümə günü G7-nin aparıcı iqtisadiyyat ölkələrinin maliyyə nazirləri videozəng zamanı ABŞ-ın yeni tədbirlər paketi ilə bağlı təklifini müzakirə edəcəklər, çünki Donald Tramp Ukraynada sülh sazişinin bağlanması üçün səylərini artırır.
Bu həftə ABŞ prezidenti Aİ-ni Hindistan və Çinə qarşı 100%-ə qədər tariflər tətbiq etməyə çağırıb, lakin indi bu təşəbbüsü G7 müttəfiqlərinə də genişləndirir.
ABŞ Maliyyə Nazirliyinin nümayəndəsi bildirib ki, "Çin və Hindistan tərəfindən Rusiya neftinin alınması Putinin hərbi maşınını maliyyələşdirir və Ukrayna xalqının mənasız qətllərini davam etdirir".
Amerika Maliyyə Nazirliyinin nümayəndəsi əlavə edib ki, "Prezident Trampın sülh və rifah administrasiyası hazırdır və G7 üzrə tərəfdaşlarımız bizimlə birlikdə hərəkət etməlidir".
Bununla yanaşı, o, planlaşdırılan tariflərin konkret həcmini açıqlamaqdan imtina edib, lakin FT-nin vəziyyətlə tanış olan mənbələri qeyd ediblər ki, ABŞ 50% ilə 100% arasında həcm təklif edib.
S.ELAY
XQ
Daha ətraflı məlumat və yeniliklər üçün ain.az saytını izləyin.
